Շփվելու եւ սոցիալական աջակցություն ստանալու նպատակով Facebook սոցիալական կայքից օգտվելը նպաստում է սովորողների բարձր առաջադիմությանը։ Նման եզրահանգման են եկել Այովայի համալսարանի մասնագետները ավելի քան 1600 ուսանողների շրջանում անցկացրած հարցման արդյունքում։
Գիտնականների կարծիքով, եթե ուսանողները կապված են իրենց ընկերների հետ, դա նշանակում է, որ նրանք նվիրված են նաեւ իրենց ուսումնական հաստատությանը, ինչը կարեւոր է ուսումնական հաջողությունների համար, գրում է Prothom Alo-ն։
Գիտնականները գնահատել են Facebook-ում և ծախսվող ժամանակը՝ ընդհանուր առմամբ և բազմախնդրության պարագայում։ Պարզվում է՝ Facebook-ի որոշ գործառույթներ, ինչպես օրինակ՝ հղումների փոխանակումը, ընկերների հետ նամակագրությունը կապ ունեն լավ առաջադիմության հետ։ Ծնողներից շատերը ենթադրում են, որ եթե իրենց երեխան Facebook-ում քիչ ժամանակ վատնի, ապա նրա առաջադիմությունը ինքնըստինքյան կբարձրանա։ Սակայն գիտնականները պնդում են, թե դա թյուր կարծիք է։
Առաջադիմության վրա ազդում է ոչ թե սոցիալական կայք մտնելը, այլ այն, թե ինչ նպատակով են ուսանողներն այցելում այդ կայք։ Այսինքն՝ Facebook-ում շատ ժամանակ անցկացնող երեխայի վատ առաջադիմությունը ոչ մի կապ չունի բուն սոցիալական կայքի հետ։ Վատ առաջադիմությունը, ամենայն հավանականությամբ, ինքնակարգավորման հետ ունեցած խնդիրների հետեւանք է։