Եվրոպական արտաքին քաղաքական գերատեսչության պաշտոնական ներկայացուցիչը (European External Action Service - EEAS) հայտարարել է, որ արեւելյան Ուկրաինայում, որտեղ մարտական գործողությունների թեժացումը չափազանց մեծ թվով քաղաքացիական զոհերի եւ ռազմական կորուստների է հանգեցրել, ժամանակն անիմաստ անցնում է։
«Վերջին սրացումների համար պատասխանատու անձինք այժմ պետք է ցույց տան, որ լուրջ են վերաբերվում քաղաքական կարգավորմանը եւ անեն ամեն հնարավորը բռնության գալարագիծը դադարեցնելու համար, այդ թվում՝ շփման գոտուց ծանր սպառազինության անհապաղ հեռացման եղանակով, ինչը նախատեսված է Մինսկի հուշագրում», - մեջբերում է «Ինտերֆաքսը»։
Եվրամիությունն ամբողջությամբ հավանություն է տալիս արեւելյան Ուկրաինայում հակամարտության քաղաքական կարգավորման ջանքերին, այդ թվում՝ այս շաբաթվա սկզբին Բեռլինում Ֆրանսիայի, Գերմանիայի, Ռուսաստանի եւ Ուկրաինայի արտգործնախարարների հանդիպմանը;
Եվրամիությունում ակնկալում են, որ եռակողմ կոնտակտային խումբը կհավաքվի հնարավորինս շուտ՝ Մինսկի համաձայնագրերը ստորագրած բոլոր կողմերի մասնակցությամբ, ասված է EEAS-ի ներկայացուցչի կոմյունիկեում։
Ըստ նրա՝ ռազմական գործողությունների դադարեցումը պետք է Մինսկի 2014թ. սեպտեմբերի 5-ի արձանագրության արագ եւ լիարժեք իրականացման առաջին քայլը դառնա: