Մարսն ուսումնասիրող միակ «ողջ» մնացած վետերանը՝ Opportunity մարսագնացը, նշել է կարմիր մոլորակի մակերեւույթին վայրէջքի (2004թ. հունվարի 24-25-ին) 11-ամյակը՝ բարձրանալով Ինդեւոր խառնարանի ամենաբարձ կետը եւ համայնապատկերային «սելֆի» անելով, հաղորդում է , հաղորդում է NASA-ի Ռեակտիվ շարժման լաբորատորիայի մամուլի ծառայությունը:
135 մետր բարձրությունից արված այս լուսանկարում կարելի տեսնել 22 կմ-անոց Ինդեւոր խառնարանի ողջ հատակը: Բացի մարսյան լանդշաֆտի դետալներից՝ «սելֆիի» վրա նկատելի են նաեւ Opportunity-ի արեւային մարտկոցները, ինչպես նաեւ ալյումինային վահանակը, որի վրա պատկերված Միացյալ Նահանգների դրոշը, հաղորդում է «ՌԻԱ Նովոստին»:
Այդ վահանն ու դրոշը պատրաստված են Համաշխարհային առեւտրի կենտրոնի աշտարակների բեկորների մետաղական հատվածներից: Այդ կերպ ինժեներներն ու NASA-ի գիտնականները հարգել են 2001թ. սեպտեմբերի 11-ի ահաբեկչության զոհերի հիշատակը: