Արմավիրի մարզի Մայիսյան գյուղի բնակիչ Արթուր Տոնոյանը մեղադրվում է սպանության փորձ կատարելու մեջ:
Հունվարի 16-ին ոստիկանության Արմավիրի բաժին «Արմավիր» բժշկական կենտրոնից ահազանգ էր ստացվել, որ իրենց մոտ է տեղափոխվել հրազենային վնասվածք ստացած մի երիտասարդ, որին վիրահատելուց հետո տեղափոխել են Երեւանի «Արմենիա» ԲԿ:
Մեկնած օպերատիվ խմբին տուժողը պատմել էր, սակայն, որ վնասվածքը ստացել է այգում քայլելիս անհասկանալի պայթյունի հետեւանքով: Ժամեր անց ոստիկաններին հաջողվել է պարզել, որ դեպքը տեղի է ունեցել Մեծամորում, իսկ վնասվածք հասցնողը եղել է Մայիսյանի բնակիչ Արթուր Տոնոյանը:
Փաստի առթիվ հարուցվել է քրեական գործ Քրեական օրենսգրքի 2-րդ մասի 6-րդ կետով եւ 235-րդ հոդվածի 1-ին մասի հատկանիշներով: Արթուր Տոնոյանի նկատմամբ հետախուզում է հայտարարվել:
Նախաքննությունը շարունակվում է:
Մանրամասները՝ ոստիկանության պատրաստած տեսանյութում: