Կիրակի Նյու Յորքի Մանհեթենի Home Depot խանութում կրակոցների հետեւանքով զոհվել է երկու մարդ:
Ըստ Նյու Յորքի ոստիկանության ներկայացուցիչների՝ խանութի այցելուները մի քանի կրակոց են լսել, որոնց մասին հայտնել են իրավապահ մարմիններին:
Դեպքի վայր ժամանած ոստիկանները մահացած են հայտնաբերել կրակոցներ արձակած 31-ամյա տղամարդուն, իսկ նրա զոհին՝ 38-ամյա մեկ այլ տղամարդու, որովայինի եւ կրծքի վնասվածքներով: Վերջինս տեղափոխվել է հիվանդանոց, որտեղ մահացել է: Երեք անգամ կրակելով գործընկերոջ վրա՝ 31-ամյա տղամարդը ինքնասպան է եղել, հայտնում են ԱՄՆ-ի լրատվամիջոցները: Կրակողի եւ զոհի անունները չեն հրապարակվում, փոխանցում է «ՌԻԱ Նովոստին»:
Ավելի ուշ հայտնի է դարձել, որ տղամարդիկ հարաբերություններ են պարզել՝ 38 տրամաչափի ատրճանակի օգտագործմամբ: Սակայն սպանության պատճառը հայտնի չէ: Խանութի անձնակազմից եւ գնորդներից այլեւս ոչ ոք չի տուժել:
