Հայաստանն ու Եվրամիությունն ունեն հարաբերությունները զարգացնելու եւ առաջ ընթանալու փոխադարձ ցանկություն: Այս մասին հունվարի 26-ի մամուլի ասուլիսում հայտարարել է ՀՀ արտգործնախարար Էդվարդ Նալբանդյանը:
Ըստ նրա՝ կողմերը քննարկում են բոլոր հնարավոր ուղղություններով հարաբերությունների զարգացման նոր իրավական հիմքի ստեղծման հարցը, որը չի հակասի այլ կազմակերպություններին Հայաստանի անդամակցությանը:
Պատասխանելով Դավոսի գագաթաժողովին հայկական պատվիրակության չմասնակցելու պատճառների մասին հարցին՝ Էդվարդ Նալբանդյանը հիշեցրել է, որ մասնակցությունը միջազգային խորհրդաժողովներին սահմանվում է օրակարգից եւ միջոցառման կարեւորությունից ելնելով: «Չեմ կարող ասել, թե Դավոսը կարեւոր չէ: Սակայն այս անգամ հնարավորություն չկար պաշտոնապես մասնակցելու հանդիպմանը», - նշել է նախարարը՝ հավելելով, որ ինքը մասնակցելու է Մյունխենի անվտանգության ամենամյա խորհրդաժողովին:
