Հայաստանի եւ ԵՏՄ անդամ այլ երկրների միջեւ՝ Ռուսաստանից բացի, առեւտուրը առայժմ անհեռանկար է, հունվարի 26-ի մամուլի ասուլիսում լրագրողներին հայտնել է Հայաստանի գործատուների միության նախագահ Գագիկ Մակարյանը: Այսպիսով, ԵՏՄ մտնելուց հետո աճի իրական հնարավորություններ են հայտնվում միայն Ռուսաստանի հետ արտաքին առեւտրի մասով, հավելել է նա:
Ըստ նրա՝ Ղազախստանի դեպքում առեւտրային կապերի աշխուժացումը բարդանում է հեռավորության, սահմանների եւ տեղափոխման դժվարությունների պատճառով: «Բելառուսի հետ այդ հարցերը մի փոքր հեշտ է լուծելը, սակայն մենք քիչ բան կարող ենք առաջարկել», - հավելել է Մակարյանը:
Նշենք, որ 2014 թ. հունվար-սեպտեմբեր ամիսներին Ռուսաստանի մասնաբաժինը Հայաստանի արտաքին առեւտրում աճել է (22-ից մինչեւ 22,9%)՝ 2013 թ. նույն ժամանակահատվածի համեմատությամբ եւ նախկինի պես շարունակում է մնալ ամենամեծը (Չինաստանինը երկրորդն է, այն կազմում է 9,7%): Ղազախստանի մասնաբաժինը նախկինն է մնացել՝ 0,1%, իսկ Բելառուսինը նվազել է 0,9-ից մինչեւ 0,7%:՛