Թուրքիայի գլխավոր ընդդիմադիր «Ժողովրդա-հանրապետական» (CHP) կուսակցության նախագահ Քեմալ Քըլըչդարօղլուն հանդիպել է Թուրքիայի ոչ մահմեդական կրոնական առաջնորդների հետ։

Թուրքական Haberturk-ի փոխանցմամբ՝ «Ժողովրդա-հանրապետական» կուսակցության առաջնորդ Քեմալ Քըլըչդարօղլուն մամուլի համար փակ հանդիպում է անցկացրել Պոլսո հայոց պատրիարքական ընդհանուր փոխանորդ, արք. Արամ Աթեշյանի, Հունաց պատրիարք Բարդուղիմեոսի, ասորական կաթոլիկ եկեղեցու փոխպատրիարք Յուսուֆ Սաղի, ասորական ուղղափառ եկեղեցու մետրոպոլիտ յուսուֆ Չեթինը եւ Թուրքիայի հրեաների հոգեւոր առաջնորդ Իսհաք Հալեւայի հետ։

Հանդիպումից հետո Քեմալ Քըլըչդարօղլուն հայտարարել է, թե իրենց կուսակցության նպատակն է թույլ չտալ հասարակության բեւեռացման, մարդկանց կենցաղին միջամտելու,  մարդկանց դավանած կրոնի համար նրանց հետապնդելու քաղաքականությանը։