Հարավչինական Շենչժեն քաղաքում մի քանի պաշտոնատար անձինք հեռացվել են պաշտոնից, երբ պարզվել է, որ նրանք Կարմիր գրքում գրանցված հսկայական սալամանդր են կերել, հաղորդում է BBC-ի ռուսական ծառայությունը՝ վկայակոչելով տեղական լրատվամիջոցներին:
Ինչպես նշում են Southern Metropolis Daily թերթի լրագրողները, իրենց թղթակիցներին ծեծի են ենթարկել պաշտոնյաների ընթրիքը լուսանկարելու փորձի ընթացքում, որին ներկա է գտնվել նաեւ քաղաքային ոստիկանության ղեկավարությունը:
Ներկայում հազվագյուտ երկկենցաղին ուտելու մեջ 14 մարդ է կասկածվում:
Անցած տարվա ապրիլին Չինաստանի իշխանությունները կտրուկ խստացրել էին պատասխանատվությունը Կարմիր գրքում գրանցված կենդանիների սպանության եւ որպես սնունդ օգտագործելու համար:
