ԱՄՆ-ի իշխանությունները իրական ժամանակի ռեժիմում հետեւում են ամերիկյան ավտոմեքենաներին, գրում է The Wall Street Journal-ը՝ վկայակոչելով նախկին եւ ներկա պաշտոնյաներին:
Ինչպես նշում է թերթը, ԱՄՆ-ի արդարադատության նախարարությունը տրանսպորտային միջոցների տեղաշարժի դիտարկման նպատակով երկրի տարածքում տվյալների ազգային բազա է մշակում: Տեղեկությունների հավաքագրման այդ ծրագիրը, որով զբաղվում է թմրանյութերի դեմ պայքարի վարչությունը, վարորդների մասին միլիոնավոր ձայնագրություններ է պահպանում, ասվում է հոդվածում:
WSJ-ի տրամադրության տակ գտնվող փաստաթղթերից մեկի համաձայն՝ նախագծի գլխավոր նպատակը թմրադիլերների միջոցների եւ այլ ակտիվների բռնագանձումն է: Սակայն տվյալների բազան սկսել են օգտագործել այլ խնդիրների լուծման, այդ թվում՝ տրանսպորտային միջոցների որոնման համար, հայտնում է Gazeta-ն:
ԱՄՆ-ի արդարադատության նախարարության մամուլի քարտուղարը հայտարարել է, որ ծրագիրը համապատասխանում է դաշնային օրենսդրությանը:
