Գյումրիի ողբերգությունը չպետք է սեպ խրի հայ-ռուսական հարաբերությունների միջեւ: Այս մասին հունվարի 27-ի մամուլի ասուլիսում հայտարարել է ՀՀ պաշտպանության նախարար Սեյրան Օհանյանը:
Ըստ նրա՝ ռուսական կողմի հետ հարաբերությունները զարգանում են ինչպես երկկողմ ձեւաչափով, այնպես էլ ՀԱՊԿ շրջանակում, համատեղ զորավարժություններ են անցկացվում: Ինչ վերաբերում է անվտանգության հարցերին, Հայաստանի ԶՈՒ-ն ի վիճակի է լուծելու Ադրբեջանի ստեղծած խնդիրները, նշել է նախարարը՝ հավելելով, որ ռուսական ուժերի ներկայությունը առավել գլոբալ տարածաշրջանային խնդիր է լուծում, հատկապես հաշվի առնելով Թուրքիայի նման հարեւանի գոյությունը:
Հիշեցնենք, Գյումրիում Ավետիսյանների ընտանիքի սպանությունից հետո որոշ հասարակական գործիչներ փորձում էին բարձրացնել Հայաստանում ռուսական ուժերի ներկայության նպատակահարմարության հարցը: