ՌԴ Կենտրոնական բանկի Ամուրի մարզի գլխավոր վարչության ղեկավարի տեղակալը գնդակահարել է երեք աշխատակիցների, ապա ինքնասպան եղել: Այս մասին «Ինտերֆաքսին» հայտնել է Ռուսաստանի քննչական կոմիտեի մարզային քննչական վարչության ներկայացուցիչը:
«Զոհերի թվում են Կենտրոնական բանկի մարզային վարչության ղեկավարի տեղակալը, երկու կին եւ մեկ տղամարդ: Մահացածներից մեկը բանկի վարչության պետի տեղակալ է, եւս մեկը՝ բանկի բաժնի պետ, իսկ տղամարդը՝ բանկի վարչություններից մեկի պետը»,-ասել է գործակալության զրուցակիցը:
Նրա խոսքով՝ երկու կանանց նա գնդակահարել է զոհերից մեկի աշխատասենյակում, իսկ տղամարդւոն՝ Կենտրոնական բանկի վարչության առաջին հարկում: Բոլոր երեքն էլ տեղում մահացել են: Դրանից հետո նա ինքնասպան է եղել:
Հանցագործության դրդապատճառներից մեկը համարվում է աշխատանքային խնդիրները:
