«Գազպրոմը» որոշել է «Թուրքական գազատարի» երթուղին՝ Սեւ ծովի հատակով, հայտնում է «Ինտերֆաքսը»՝ վկայակոչելով ռուսական ընկերության հայտարարությանը։
«Հանդիպման ընթացքում վերանայվել են տնտեսական հաշվարկների նախնական արդյունքները, եւ գազատարի երթուղու վերաբերյալ որոշում է ընդունվել: Գազատարի չորս ճյուղերի ընդհանուր հզորությունը կկազմի տարեկան 63 խորանարդ մետր»,- հայտարարել են «Գազպրոմում»
Ավելի վաղ հայտնի էր դարձել, որ «Գազպրոմ» ՓԲԸ-ն եւ թուրքական Botas ընկերությունը մեկ շաբաթվա ընթացքում կներկայացնեն գազատարի շինարարության ծրագիր-ժամանակացույցը։
Ակնկալվում է, որ առաջին գազը Թուրքիայի տարածք կհասնի 2016թ. դեկտեմբերին։ Նոր գազատարի առաջին գծով տարեկան 15,8 մլրդ խմ գազ կուղարկեն թուրքական շուկա։