ԵԱՀԿ գործող նախագահ եւ Սերբիայի արտգործնախարար Իվիցա Դաչիչը իր մտահոգությունն է հայտնել հայ-ադրբեջանական սահմանին եւ ղարաբաղյան հակամարտության շփման գծում իրադարձությունների վերջին զարգացումների առիթով։
«Ես կցանկանայի կողմերին հրադադարի ռեժիմի լիարժեք պահպանման եւ մարտական գործողությունների դադարեցման կոչ անել, ինչպես նախատեսված է 1994թ. մայիսին ստորագրված համաձայնությամբ։ Ես ցավում են բռնության էսկալացիայի համար, ինչի արդյունքում մեծաթիվ զոհեր են եղել եւ կողմերին կոչ եմ անում պատասխանատվություն ցուցաբերել ու խուսափել հետագա էսկալացիային հանգեցնող քայլերից», - հայտարարել է Դաչիչը։
Նրա խոսքով՝ ոչ միայն նախագաների, այլ նաեւ այլ մակարդակներում ուղղակի շփումները առաջընթացի ձեռքբերման ճանապարհին կենտրոնական ասպեկետներից մեկն են համարվում եւ պետք է ամրապնդվեն հրադադարի ռեժիմի լիարժեք պահպանմամբ ու ռազմական գործողությունների դադարեցմամբ։ «2014թ. Սոչիում, Նյուպորտում եւ Փարիզում կայացած երկու երկրների նախագահների հանդիպումները ճիշտ ճանապարհին կողմնորոշված դրական քայլեր էին։ ԵԱՀԿ-ն շարունակում է սատարել ուղիղ շփումներին, սակայն հենց կողմերը կարող եւ պարտավոր են հետեւել հրադադարին», - հայտարարել է Դաչիչը։
ԵԱՀԿ գործող նախագահը աջակցություն է հայտնել անձնական ներկայացուցչի՝ Անջեյ Կասպշիկի ջանքերին, ով կողմերին օգնում է վստահության ամրապանդմանն ուղղված նոր եւ այնքան անհրաժեշտ ջանքերի ներդրման ու մշակման գործում։
«Ես նաեւ վճառականապես սատարում եմ ԵԱՀԿ Մինսկի խմբի համանախագայների ջանքերը, որոնք ուղղված են հրադադարի ռեժիմի ամրապնդմանն ու բանակցությունների համար անհրաժեշտ հիմքերի ստեղծմանը։ Ես կողմերին կոչ եմ անում լիարժեքորեն օգտագործել ԵԱՀԿ-ի գործիքները եւ քայլեր ձեռնարկել խաղաղ եւ երկարաժամկետ կարգավորման ուղղությամբ», - հայտարարելէ Դաչիչը։