Հայ-թուրքական սահմանին ռուսական բանակի օգնության կարիքն ունենք, հետեւաբար ռուսական 102-րդ ռազմաբազայի դուրսբերումը սխալ է: Այս մասին NEWS.am-ի թղթակցի հետ զրույցում ասաց Ազգային ժողովի ՀՀԿ խմբակցության պատգամավոր, գեներալ Սեյրան Սարոյանը:
«Խելոք ազգ ենք, ո՞նց կարող ենք նման բան պահանջել: Ով պահանջում ա ռուսական ռազմաբազան հանել, թող գնա ինքը սահմանը պահի: Ռուսական զորքերի կարիքն ունենք հենց թուրքական սահմանին: Մեր սահմանները կարում ենք պահել, բայց թուրքականը չենք կարում: Միշտ էլ թուրքից պետք ա զգուշանալ ու վտանգ սպասել»,- ասաց գեներալ Սեյրան Սարոյանը:
Նրա խոսքով՝ սահմանին առկա լարվածությունն էլ կապված է Թուրքիայի, Հայոց Ցեղասպանության 100-րդ տարելիցի հետ:
«Թուրքերի ծրագիրն ա սահմանին լարվածությունը: Դե 15 թիվն ա, Ցեղասպանության 100-րդ տարելիցը: Միշտ էլ ադրբեջանցիները թուրքերի հետ համագործակցել են»,- հավելեց ՀՀԿ-ական պատգամավորը:
