Սմարթֆոններից հետո հաքերների հաջորդ թիրախը կդառնան խելացի հեռուստացույցները (Smart TV), Bloomberg-ին տված հարցազրույցի ժամանակ հայտարարել է «Կասպերսկու լաբորատորիա» հակավիրուսային ընկերության գլխավոր տնօրեն Եվգենի Կասպերսկին։

«Գոյություն ունեն տրոյաններ, որոնք կարող են ներխուժել iPhone, երբ նրանք միացված են համակարգչին։ Խելացի հեռուստացույցները կլինեն հաջորդը», - գործակալությանը ապտմել է Կասպերսկին, հայտնում է Lenta.ru-ն։

Փորձագետի խոսքով՝ ապագայում այդ հեռուստացույցները կօգտագործվեն գումարներ շորթելու նպատակով։ Օրինակ, հանցագործները կարող են խնդրել ուղարկել վճարովի SMS-հաղորդագրություններ՝ հաշիվն արգելափակումից հանելու համար։

Smart TV-ն հեռուստաույցների վերջին սերունդն է, որոնց յուրահատկությունը հավելվածների ներդրման եւ ինտերնետին միանալու հնարավորության մեջ է: