Իսպանական Գրանադե քաղաքում մանկապղծության մեղադրանքով կաթոլիկ եկեղեցու 10 հոգեւորականի եւ 2 աշխարհիկ անձանց են դատապարտել: 2004-2007 թվականներին նրանք բազմիցս բռնաբարել են չորս դեռահասի:
Այս գործի հետաքննությունը սկսվել է այն բանից հետո, երբ 24-ամյա մի երիտասարդ Հռոմի Ֆրանցիսկոս Պապին նամակ է գրել: Նա պատմել է, թե ինչպես են իր հանդեպ ոտնձգություն կատարել, երբ ինքը դպիր է եղել: Ըստ Reuters-ի, Հռոմի Պապը զանգահարել է երիտասարդին եւ ներողություն հայցել:
Վերջին տասնամյակում կաթոլիկ եկեղեցին հայտնվել է մի շարք սկանդալների կենտրոնում՝ կապված հոգեւորականների շրջանում մանկապղծության տարածման եւ եկեղեցական ղեկավարության կողմից հանցագործների հովանավորչության հետ: Վատիկանի հաշվարկների համաձայն, ընդհանուր առմամբ, եկեղեցու ծառայողների շրջանում դիրքի չարաշահման ավելի քան 3420 դեպք է արձանագրվել:
2013 թվականի մարտին ընտրվելուց հետո Ֆրանցիսկոս Պապը հայտարարեց մանկապղծության դեմ վճռական պայքար սկսելու մասին: