Playboy-ի ռումինացի մոդել Լորեադնա Կիվուն խոստովանել է, որ իր հայրն ինքնասպանություն է գործել այն բանից հետո, երբ ինքը մասնակցել է առաջին կիսամերկ ֆոտոսեսիային: Աղջիկն ինքն է գտել հոր մարմինը:
25-ամյա մոդելը պատմել է, որ իր հայրն ինքնասպանություն է գործել, երբ ինքը 18 տարեկան է եղել: Դստեր բաց լուսանկարները տեսնելուց հետո նրանք դադարել են շփվել: Որոշ ժամանակ անց աղջիկը որոշել է հարթել հոր հետ տարաձայնությունները եւ գնացել է նրա տուն, որտեղ էլ կախված է գտել տղամարդուն:
«Նույնիսկ այսքան ժամանակ անց ինձ համար դժվար է բառեր գտնել՝ այդ մասին խոսելու համար: Մինչեւ հիմա այդ ամենը չափազանց ցավոտ է: Ես ոչ ոքի նման բան չեմ ցանկանում»,- Կիվուի խոսքերն է մեջբերում Daily Star-ը:
Սակայն Կիվուն, չնայած ողբերգությանը, չի դադարել մասնակցել էրոտիկ ֆոտոսեսիաների: Աղջիկն իր Instagram-ում կանոնավոր կերպով բաց լուսանկարներ է հրապարակում:
