Հայաստանի ՏԿԱԻՆ-ում, այսօր՝ հունվարի 29-ին, ժամը 06.37-ին ահազանգ է ստացվել, որ Սիսիան-Նորավան ավտոճանապարհը մերկասառույցի պատճառով դարձել է դժվարանցանելի, ինչից «ՎԱԶ-2121» (Նիվա) մակնիշի 23VO272 համարանիշի մարդատար ավտոմեքենան դուրս է եկել ճանապարհի երթեւեկելի հատվածից եւ շրջվել դեպի ձորը. ավտոմեքենան դուրս բերելու համար անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Է. Մ.-ի ավտոմեքենան մերկասառույցի պատճառով դուրս է եկել ճանապարհի երթեւեկելի հատվածից եւ արգելափակվել:
Հրշեջ-փրկարարներն ավտոմեքենան դուրս են բերել արգելափակումից:
***
Հունվարի 29-ին, ժամը 00.29-ին ահազանգ է ստացվել, որ Վայոց ձորի մարզի «Զանգեր» կոչվող հատվածի մոտակայքում «Մերսեդես» մակնիշի ավտոմեքենան մերկասառույցի պատճառով արգելափակվել է եւ չի կարողանում շարունակել ընթացքը. դուրս բերելու համար անհրաժեշտ է փրկարարների օգնությունը:
Դեպքի վայր է մեկնել օպերատիվ խումբ:
Պարզվել է, որ Երեւան-Մեղրի Մ2 միջպետական ավտոճանապարհի 171 կմ-ի մոտակայքում 34NZ263 պետհամարանիշի ավտոմեքենան (վարորդ՝ Ա. Մ.) անվադողերի մաշվածության պատճառով չի կարողանում շարունակել ընթացքը: Հրշեջ-փրկարարներն ավտոմեքենան ուղեկցել են մինչեւ Վայք քաղաք:
***
Հունվարի 28-ին, ժամը 21.40-ին ահազանգ է ստացվել, որ Վարդենիս-Մարտունի ավտոճանապարհին՝ Արծվանիստ գյուղի մոտակայքում, «ՎԱԶ-2107» մակնիշի 29ՕU633 պետհամարանիշի ավտոմեքենան դուրս է եկել ճանապարհի երթեւեկելի հատվածից. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Հրշեջ-փրկարարները ճանապարհի երթեւեկելի հատված են դուրս բերել Ա.Կ.-ի ավտոմեքենան:
***
Հունվարի 28-ին, ժամը 19.34-ին ահազանգ է ստացվել, որ Շենկանի - Ռյա Թազա ավտոճանապարհի 1-ին կմ-ում 2 մարդատար ավտոմեքենաներ արգելափակվել են ձյան մեջ. դուրս բերելու համար անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Հրշեջ-փրկարարներն արգելափակումից դուրս են բերել «ՎԱԶ-2121» մակնիշի 34 ՕՕ 993 համարանիշի (վարորդ Դ. Հ.) եւ «Օպել» մակնիշի 07 LL 198 համարանիշի (վարորդ Ա. Թ.) ավտոմեքենաները:
***
Հունվարի 28-ին, ժամը 16.39-ին ահազանգ է ստացվել, որ Հրազդան-Ծաղկաձոր ավտոճանապարհին «ՎԱԶ-2121» մակնիշի ավտոմեքենան արգելափակվել է ձնակույտի մեջ. դուրս բերելու համար անհրաժեշտ է փրկարարների օգնությունը:
Դեպքի վայր է մեկնել օպերատիվ խումբ:
Հրշեջ-փրկարարները Երեւան-Սեւան Մ-4 միջպետական ավտոճանապարհի 37-րդ կմ-ում` դաշտամիջյան հատվածում, արգելափակումից դուրս են բերել «ՎԱԶ-2121» մակնիշի 34 VM 251 համարանիշի (վարորդ՝ Ա. Ա.) ավտոմեքենան:
