Հայաստանում զարգացման բանկի գաղափարը կվարկաբեկեն, հունվարի 29-ին լրագրողներին ասել է տնտեսական գիտությունների դոկտոր, «Այլընտրանք» հետազոտական կենտրոնի տնօրեն Թաթուլ Մանասերյանը: Ըստ նրա՝ կառավարությունը պետք է ամեն ինչ անի, որպեսզի Հայաստանի բանկային համակարգը ոչ թե իրեն եւ իր եկամուտներին սպասարկի, այլ տնտեսության կենսունակությունը:
Միաժամանակ, առեւտրային բանկերին զուգահեռ Հայաստանում արդեն մի քանի տարի գործում է Զարգացման բանկ (Համահայկական բանկ), որի լիազորություններից են հենց այս խնդիրները: Զարգացման բանկի գաղափարը, որպես այդպիսին, վտանգի տակ է, այն կարող է կործանել բանկի ներկայիս անգործությունը, նկատել է փորձագետը: «Ինչո՞վ է այն զբաղված եւ ինչո՞ւ արդեն քանի տարի չի ինտեգրվում Հայաստանի տնտեսությանը: Այս հարցերի պատասխանները ստանալու համար հարկավոր է, որ բանկը հաշվետու լինի հանրությանը»,- հավելել է Մանասերյանը: