Քաջարանում հեպատիտ C-ով վարակվլու փաստի առթիվ հարուցված քրեական գործի շրջանակներում արդեն 10 մարդ տուժող է ճանաչվել: Այս մասին NEWS.am-ի թղթակցի հետ զրույցում նշել է ՀՀ Քննչական կոմիտեի ղեկավարի խորհրդական Սոնա Տռուզյանը:
Նրա խոսքով՝ փորձաքննության արդյունքները դեռ չեն ստացվել: «Անցկացվում են ակտիվ քննչական միջոցառումներ՝ վարակի աղբյուրն ու վարակման եղանակները պարզելու ուղղությամբ»,-ընդգծել է Տռուզյանը:
Ավելի վաղ հաղորդվել էր, որ քննչական մարմինը պահանջել է տուժածների հիվանդությունների պատմությունը, նշանակվել են դատբժշկական փորձաքննություններ:
Առողջապահության նախարարության տվյալներով՝ 2014-ի ընթացքում Քաջարանի հիվանդանոցում 91 մարդ է վերավիրահատվել, որոնցից, ինչպես նաեւ հիվանդանոցի բուժանձնակազմից արյան նմուշներ են վերցրել, որոնք ուղարկվել են Երեւան՝ վիրուսի առկայությունը ստուգելու համար:
