Թուրքիայի ԱԳ նախարար Մեւլութ Չավուշօղլուն հայտարարել է, թե ՄԻԵԴ-ում «Փերինչեքն ընդդեմ Շվեյցարիայի» դատը ոչ թե Ցեղասպանությանն է վերաբերվում, այլ խոսքի ազատությանը։
Թուրքական Kanal A կայքի փոխանցմամբ՝ Թուրքիայի ԱԳ նախարար Մեւլութ Չավուշօղլուն Թուրքմենստան կատարած այցի ժամանակ ՄԻԵԴ-ում Փերինչեքի գործով դատի հետ կապված պատասխանել է լրագրողների հարցերին։
Չավուշօղլուն պնդել է, թե ՄԻԵԴ-ի ստորին պալատի կայացրած որոշումը հստակ է եղել, իսկ Շվեյցարիայի ընդունած որոշումներն ու օրենքները հակադրվում են խոսքի ազատությանը։ «Այս դատն էլ դրա հետ էր կապված։ Այս դատը Ցեղասպանության հետ կապված չէ, այն խոսքի ազատության հետ կապված դատ է»,-ասել է Չավուշօղլուն։
