Նովոռոսիյսկում կհետաքննեն դիով դիակառք փախցնելու փաստով քրեական գործը, հաղորդում է «Ինտերֆաքսը»՝ վկայակոչելով Կրասնոդարի երկրամասի ՆԳՆ-ի գլխավոր վարչության մամուլի ծառայության աղբյուրին:
Նրա տվյալներով՝ Կրիմսկի բնակիչը Նովոռոսիյսկ է ժամանել իր ավտոմեքենայով, այնուհետեւ որոշ գործեր կատարել քաղաքում եւ ավելի ուշ չի կարողացել հիշել կայանատեղին, քանի որ քաղաքին լավ ծանոթ չի եղել: Մի փոքր հեռավորություն անցնելով՝ նա նկատել է թաղման ծառայության մեքենան եւ որոշել է այն օգտագործել իր մեքենան գտնելու համար, ստել է ղեկին եւ շրջել քաղաքի փողոցներով:
Նա միանգամից չի տեսել, որ դիակառքում դագաղ կա: «Դագաղը դատարկ է եղել, սակայն առեւանգիչը կարծել է, որ դագաղում դի կա, վախեցել է եւ որոշել հանձնվել ոստիկանությանը», - հայտնել են մամուլի ծառայությունում: