2014 թ. մարտին Malaysia Airlines-ի MH370 չվերթի անհետացած օդանավի ուղեւորները պաշտոնապես մահացած են ճանաչվել:
Հունվարի 29-ի մամուլի ասուլիսում այս մասին հայտարարել է թագավորության քաղաքացիական ավիացիայի բաժնի պետ Ազհարուդին, Աբդուլ Ռահմանը (Azharuddin Abdul Rahman): Ըստ Ռահմանի՝ փրկարարներին այդպես էլ չի հաջողվել գտնել օդանավի բեկորները, սակայն դրանց որոնումը առաջնահերթ է իշխանությունների համար:
Մալայզիայի քաղաքացիական ավիացիայի բաժնի պետը հայտարարել է, որ օդանավի հետ կատարվածը պաշտոնապես ճանաչվել է դժբախտ պատահար, փոխանցում է «ՌԻԱ Նովոստին»:
2014 թ, մարտի 8-ին Malaysia Airlines-ի Boeing 777-200 օդանավը, որն իրականացնում էր Կուալա Լումպուրից դեպի Պեկին MH370 չվերթը՝ 227 ուղեւորներով եւ անձնակազմի 12 անդամներով, անհետացել էր ռադարների էկրաններից: Ենթադրվում է, որ օդանավն աղետի է ենթարկվել Հնդկական օվկիանոսի հարավային հատվածում:
