Աֆղանստանում Լագման նահանգում պայթյուն է որոտացել թաղման թափորի մեջ, որի հետեւանքով զոհվել է առնվազն 5 մարդ, եւս 30-ը վիրավորվել է:
Պայթյունը որոտացել է տեղի ոստիկանության աշխատակցի թաղման ժամանակ: Մահապարտ ահաբեկիչը մտել է բազմության մեջ, ապա գործի դրել պայթուցիկ սարքը: Ականատեսների փոխանցմամբ՝ զոհերի թիվը կարող է ավելին լինել:
Նմանատիպ ահաբեկչություն իրականացվել է դեկտեմբերի սկզբին, Բագլան նահանգում: Այն ժամանակ պայթյունը որոտացել էր տեղի ցեղախմբերից մեկի առաջնորդի թաղման ժամանակ, որի հետեւանքով զոհվել էր 9 մարդ, եւս 18-ը վիրավորվել էին: