Լոս-Ալամոսի ազգային լաբորատորիայի ամերիկացի գիտնականը լրտեսության համար դատապարտվել է 5 տարվա ազատազրկման։ Նա Վենեսուելայի կառավարության պաշտոնական ներկայացուցչին ԱՄՆ-ի միջուկային զենքի մասին տվյալներ է փոխանցել, ասվում է Հետաքննությունների դաշնային բյուրոյի հայտարարության մեջ։

Պեդրո Լեոնարդո Մաչերոնին 2013թ. հունիսին մեղավոր է իրեն ճանաչել մի շարք լրտեսական դեպքերին ներգրավված լինելու մեջ։ 79-ամյա արգենտինացին ԱՄՆ-ի քաղաքացի է։ Նրա 71-ամյա կինը ավելի վաղ 1 տարվա ազատազրկման էր դատապարվել՝ ամուսնու հանցավոր գործունեությանը օժանդակելու մեղադրանքով, հաղորդում է Reuters-ը։

Լոս-Ալամոսը ԱՄՆ-ում  միջուկային զենքի շուրջ գաղտնի աշխատանքներ տանող առաջատար երկու լաբորատորիաներից մեկն է, հիմնադրվել է 1943 թ.։ Այդ գիտական կենտրոնում այսպես կոչված Մանհեթենի նախագծի շրջանակներում են ստեղծվել առաջին միջուկային մարտագլխիկները։