Համացանցում հայտնվել են ֆլագմանական նոր HTC սմարթֆոնների՝ One M9-ի եւ One Max (Plus)-ի լուսանկարները: Դրանք իր Twitter-ի @evleaks հասցեում տեղադրել է Իվեն Բլասը (Evan Blass):
Սարքերը հիշեցնում են Samsung-ի անցյալ տարիների ավագ մոդելները. One Max-ը նույնիսկ կորեական արտադրանքին հատուկ ձվաձեւ կոճակ ունի:
Ավելի վաղ հաղորդվել էր, որ ըստ ոչ պաշտոնական տեղեկության, HTC One M9-ը համալրված է լինելու 20 մգ-պիքսելանոց հիմնական տեսախցիկով: Սարքը կունենա հզոր Qualcomm Snapdragon 810 պրոցեսոր: Գաջետում կլինի նաեւ Dolby Digital 5.1 տեխնոլոգիա:
Ապագա սմարթֆոնը դիզայնով եւ չափերով նման կլինի իր նախրոդին՝ М8-ին (М8-ի հաստությունն է 9,35 մմ, բարձրությունը՝ 146 մմ, կշիռը՝ 160 գ): Մոդելը հասանելի կլինի ոսկեգույն, մոխրագույն եւ արծաթագույն տեսակներով:
Նոր սմարթֆոնների շնորհանդեսը սպասվում է մարտի 1-ին՝ Բարսելոնայի MWC-2015 ցուցահանդեսում: Հավանաբար այդտեղ HTC-ը կներկայացնի նաեւ իր առաջին խելացի ժամացույցը: