Հերթական անգամ տարկետվել է Դաղստանցի ազատ ոճի ըմբշամարտիկ Մուսա Մուրթազալիեւը Հայաստանի Զինված ուժերում ծառայությունից: Այդ մասին որոշումն ընդունվել է կառավարության այսօրվա՝ հունվարի 30-ի նիստին:
Ազատ ոճի ըմբշամարտիկ 1988թ. ծնված Մուսա Մուրթազալիեւը 2010թ.- ից հանդես է գալիս Հայաստանի հավաքականում: Մուրթազալիեւը 2010թ. եւ 2013թ. Եվրոպայի առաջնության արծաթե մեդալակիր է: «Մուրթազալիեւը մասնակցում է Եվրոպայի եւ աշխարհի առաջնություններին եւ շատ արդյունավետ է հանդես գալիս», - հայտարարել է երիտասարդության եւ սպորտի հարցերով նախարար Գաբրիել Ղազարյանը:
