Փետրվարի 5-ից հետո նախատեսվում է խորհրդարանական եռյակի առաջնորդների՝ Գագիկ Ծառուկյանի, Լեւոն Տեր-Պետրոսյանի եւ Րաֆֆի Հովհաննսիյանի հանդիպում: Այդ մասին այսօր՝ հունվարի 30-ին, մամուլի ասուլիսի ժամանակ հայտարարել է «Ժառանգություն» խմբակցության ղեկավար Ռուբեն Հակոբյանը:
Նրա խոսքով՝ հենց այդ հանդիպման ընթացքում կորոշվեն խորհրդարանական եռյակի հետագա քայլերը, իսկ համապատասխան «ճանապարհային քարտեզի» մասին լրացուցիչ կհաղորդվի: «Բոլոր նրանք, ովքեր ցանկանում են միասնական շտաբերի ձեւավորման եւ համատեղ զանգվածային միջոցառումներում հակասություն տեսնել, շատ սխալվում են: Դրանք զուգահեռ գործընթացներ են, եւ այժմ միավորման ժամանակն է», - հավաստիացրել է Հակոբյանը:
Հիշեցնենք, որ փետրվարի 5-ին Բարգավաճ Հայաստան» կուսակցության առաջնորդ Գագիկ Ծառուկյանի նախաձեռնությամբ տեղի կունենա ոչ իշխանական քաղաղաքական ուժերի եւ հասարակական կազմակերպությունների համաժողով:
