Մարդկանց եւ ճտերի միջեւ ընդհանուր գիծ է հայտնաբերվել. երկուսն էլ կարծում են, որ թվերը ձախից աջ են մեծանում: Գիտափորձի արդյունքում նման եզրահանգման են եկել իտալացի գիտնականները՝ Science ամսագրի հոդվածի հեղինակները:
Չնայած ճուտիկները զուրկ են հաշվելու ունակությունից, նրանք օբյեկտների խմբերը տարբերակում են դրանց քանակությամբ: Փորձի ժամանակ նախ ճտերին ցուցադրել են 5 կետով քարտ, որի հետեւում որդ են թաքցրել: Այնուհետեւ, ընտրելով երկու կետով երկու քարտերից մեկը՝ ճտերը սնունդը փնտրել են ձախ քարտի հետեւում:
Գիտնականների համոզմամբ, թվային շարքն առաջ է գալիս ոչ միայն ուսուցման արդյունքում. դա ի ծնե հատկություն է, որը ձեւավորվել է միլիոնավոր տարիների առաջ, էվոլյուցիայի ընթացքում:
Նույնիսկ արաբների փորձը, ովքեր մեծ տարիքում են սկսում հաշվել աջից ձախ (գրելու ուղղությանը համապատասխան), խոսում է այն մասին, որ ի ծնե թվային ուղղությունը փոփոխության է ենթարկվում: