Լոնդոնի քաղաքապետ Բորիս Ջոնսոնը հայտարարել է, որ այն տղամարդիկ, որոնք միասնում են կրոնական ծայրահեղական խմբավորումներին, ինչպիսին է, օրինակ, «Իսլամական պետությունը», «անհաջողակներ» եւ պոռնոգրաֆիայի մոլի սիրահարներ են:
Նրա խոսքով, բռնության դիմողները ցածր ինքնագնահատական ունեն եւ կանանց շրջանում առանձնապես հաջողություն չեն վայելում:
Որպես օրինակ նա նշել է ծայրահեղականության մասին MI-5 գործակալության զեկույցը, որում ջիհադականների հոգեբանական պատկերն են կազմել:
«Եթե դուք ուսումնասիրեք մահապարտ-ահաբեկիչների հոգեբանական տվյալները, ապա կտեսնեք, որ նրանք, որպես կանոն, պոռնոգրաֆիայի մոլի սիրահարներ են»,- Ջոնսոնի խոսքերն է մեջբերում BBC-ն: Նա նաեւ նշել է, որ զինված խմբավորումներին մասնակցությունը նրանց հնարավորություն է ընձեռում «հաղթող զգալ»:
