Վրաստանի նախկին նախագահ Միխայիլ Սահակաշվիլին հեղափոխական առաջնորդ էր, որը նախ արմատախիլ արեց կոռուպցիան, հետո այն վերածեց պետական մենաշնորհի։ Այս մասին ասված է ամերիկացի ֆինանսիստ Ջորջ Սորոսի եւ ֆրանսիացի փիլիսոփա, գրող Բեռնար Անրի Լեւիի՝  The New York Times-ում տպագրված հոդվածում։

«Սահակաշվիլին հեղափոխական առաջնորդ էր, որը նախ արմատախիլ արեց կոռուպցիան, սակայն վերջնարդյունքում այն վերածեց պետական մենաշնորհի։ Համեմատության համար՝ Ուկրաինան միանձնյա չի ղեկավարվում, այլ գործում է զսպումների եւ հակակշիռների համակարգ։ Նման պետությունները դանդաղ են առաջ շարժվում, բայց երկարաժամկետ հեռանկարում կարող են ավելի հաջողակ լինել», - կարծում են «Փրկենք նոր Ուկրաինան» խորագրով հոդվածի հեղինակները։

Սորոսն ու Լեւին կարծում են, որ ժամանակակից Ուկրաինան հարկավոր է համեմատել 2004թ. Վրաստանի հետ, հայտնում է «Նովոստի-Գռուզիան»։

«Երբ Միխայիլ Սահակաշվիլին դարձավ նախագահ, նա իսկույն ազատվեց պետավտոտեսչության եւ անցակետերի ատելի աշխատակիցներից, ովքեր կաշառքներ էին վերցնում վարորդներից։ Վրաստանի քաղաքացիներն իսկույն հասկացան, որ իրավիճակը դեպի լավն է գնում։ Ցավոք, Ուկրաինան մինչ օրս նման նախագիծ չի իրականացրել», - ասված է հոդվածում։