Չինաստանի China Minsheng Bank-ի ղեկավար Մաո Սյաոֆենը հրաժարականի դիմում է ներկայացրել՝ պատճառաբանելով «անձնական խնդիրներով»: Այդ մասին ասվում է բանկի հաղորդագրության մեջ:
Ինչպես նշում Սինխուա գործակալությունը, բանկի ղելկավարի պարտականությունների ժամանակավոր պաշտոնակատար է նշանակվել տնօրենների խորհրդի նախագահ Հուն Ցին, հայտնում է «ՏԱՍՍ»-ը:
Այսօր լրատվամիջոցներում տեղեկություններ են տարածվել, որ Մաո Սյոֆենը «աջակցություն է ցուցաբերում» Չինաստանի Ժողովրդական քաղաքական խորհրդակցական խմբի համաչինական կոմիտեի նախկին փոխնախագահ Լին Ցզիհուայի նկատմամբ հետաքննություն իրականացնող Չինաստանի կոմունիստական կուսակցության կենտրոնական հանձնաժողովին: Ավելի ուշ բանկի ներկայացուցիչները հաստատել են այդ տեղեկությունը, սակայն ընդգծել, որ Մաո Սյոֆենի համագործակցությունը քննության հետ կապված չէ այդ ֆինանսական հաստատության նախագահի պաշտոնում իր գործունեության հետ:
«Չայնա Մինշեն բենքը» հիմնադրվել է 1996թ. եւ ՉԺՀ-ի առաջին մասնավոր բանկն է: Այն ընդգրկված է երկրի խոշորագույն ֆինանսավարկային հաստատությունների լավագույն տասնյակում: