Հայտնի դերասան Արտաշես Ալեքսանյանի ( «Մի վախեցիր», «Poker.am», «Գարեգին Նժդեհ», «Ճակատագրի գերիներ», «Դժբախտ երջանկություն», «Վերադարձ», «Ոստիկաններ», «Հարազատ թշնամի» եւ այլն) տունը թալանողները դեռ չեն հայտնաբերվել: Այս մասին NEWS.am-ի թղթակցի հետ զրույցում ասաց Արտաշես Ալեքսանյանը:
Նա նշեց, որ դեպքի առթիվ հարուցվել է քրեական գործ, ինքը արդեն ցուցմունք տվել է, բայց դեռ գողություն կատարողները չեն հայտնաբերվել: Արտաշես Ալեքսանյանն ասաց, որ գողերը գործել են պրոֆեսիոնալ, որեւէ մատնահետք չեն թողել: Դեպքից հետո Արտաշես Ալեքսանյանը տեսախցիկներ, ազդանշանային համակարգ է տեղադրել տանը: Նա հույս ունի, որ իրավապահներին կհաջողվի հայտնաբերել գողերին:
Ավելի վաղ հայտնել էինք, որ Երեւանում թալանել են հայտնի դերասան Արտաշես Ալեքսանյանի ( «Մի վախեցիր», «Poker.am», «Գարեգին Նժդեհ», «Ճակատագրի գերիներ», «Դժբախտ երջանկություն», «Վերադարձ», «Ոստիկաններ», «Հարազատ թշնամի» եւ այլն) բնակարանը: Դերասանը NEWS.am-ի թղթակցի հետ զրույցում պատմել է, որ հունվարի 21-ին տուն գալուց հետո անակնկալի է եկել՝ հայտնաբերելով տան դռները բաց, լույսերը՝ միացված, իսկ բնակարանը՝ թալանված: Հենց նույն օրը՝ երեկոյան, անհայտ անձը կամ անձինք մտել են նրա Նոր Նորքի 9-րդ զանգվածում գտնվող բնակարան եւ տարել ոսկեղեն, հեռուստացույց, ինչպես նաեւ Արտաշես Ալեքսանյանի մեդալները: Դերասանը նշեց, որ մոտավորապես 8-10 հազար դոլարի վնաս են հասցրել: Նրա կարծիքով՝ սա մեկ հոգու ձեռի գործ չէ, քանի որ պետք է մեկը լիներ ներսում, մեկն էլ հետեւեր, որ տուն մարդ չգար: