Կալիֆորնիայի տարբեր հատվածներից ակտիվիստները 2015 թվականի ապրիլի 20-ին հավաքվելու են Սակրամենտոյի Կապիտոլիումում՝ մասնակցելու Հայոց ցեղասպանության 100-րդ տարելիցի առիթով նախանշված հիշատակի արարողությանը:
Միջոցառումն անցկացնելու են Հայ Դատի Արեւմտյան Ամերիկայի հանձնախումբը եւ Կալիֆորնիա նահանգի Օրենսդիր ժողովը:
Ըստ «Asbarez»-ի, այդ օրն անցկացվելու են հիշատակի արարողություններ, նահանգային օրենսդիրների հետ հանդիպումներ, ինչպես նաեւ ցուցահանդես: Այս տարի հիշատակի օրվա հիմնական թեման է «Գոյատեւման 100 տարի»:
Ամեն տարի հիշատակի միջոցառումներին հարյուրավոր ակտիվիստներ են մասնակցում Կալիֆորնիայի տարբեր հատվածներից՝ լավ հնարավորություն ստեղծելով Հայոց ցեղասպանության մասին հանրության տեղեկացվածության մակարդակի բարձրացման համար: