Փրկարար ծառայությունը փետրվարի 1-ին, ժամը 01.15-ին ահազանգ է ստացել, որ Երեւանի Ծարավ Աղբյուրի փողոցի թիվ 55 շենքի մոտակայքում տեղի է ունեցել ՃՏՊ. ավտոմեքենան դուրս է եկել ճանապարհի երթեւեկելի հատվածից եւ շրջվել:
Դեպքի վայր է մեկնել մեկ մարտական հաշվարկ:
Պարզվել է, որ դեռեւս չբացահայտված հանգամանքներում «Լեքսուս» մակնիշի ավտոմեքենան դուրս է եկել ճանապարհի երթեւեկելի հատվածից եւ շրջվել:
Մինչ հրշեջ-փրկարարների կանչի վայր հասնելը՝ վարորդը՝ 1982 թ. ծնված Ա. Դ.-ը, տեղի ուժերով դուրս է բերվել ավտոմեքենայից եւ տեղափոխվել «Նաիրի» ԲԿ, որտեղ բժիշկները տուժածի առողջական վիճակը գնահատել են ծանր:
Հրշեջ-փրկարարները ոստիկանության աշխատակիցների հետ միասին ավտոմեքենան ուղղել եւ մոտեցրել են քարշակին: