«Իսլամական պետություն» ջիհադական խմբավորումը պաշտոնապես հայտարարել Սիրիայում առեւանգված ճապոնացի գերու մահապատժի փաստը, որը երկրորդն է մեկ շաբաթվա ընթացքում: Տոկիոն «վճռականորեն» դատապարտել է բարբարոսական այդ գործողությունը:
«ԻՊ»-ն մահապատժի իրականացման մասին տեղեկացրել է Twitter-ում: Ըստ «Ռոսիյսկայա գազետա»-ի, տեսանյութում կարելի է տեսնել նարնջագույն հագուստով ծնկի իջած գերուն: Նրա կողքին դիմակավորված մի քան մարդ կա՝ ամբողջությամբ սեւ հագած, ձեռքներին՝ դանակ:
Խմբավորման անդամները հաստատել են, որ Գոտոյին սպանել են՝ չստանալով 200 մլն դոլարի չափով փրկագինը:
Ավելի վաղ՝ շաբաթ առավոտյան, Ճապոնիայի ԱԳ փոխնախարար Յասուհիդե Նակայաման հորդանանյան Ամմանում հայտարարել էր, որ ճապոնացի պատանդի ազատ արձակման բանակցությունները «փակուղի են մտել»:
Ճապոնական կառավարությունը դատապարտել է մահապատիժը: «Մենք վրդովված ենք եւ մեծագույն վճռականությամբ դատապարտում ենք (մահապատժի իրագործումը)»,- ասել է Ճապոնիայի կառավարության մամուլի քարտուղարը:
