Կոլումբիայի հետախուզության նախկին ղեկավար Մարիա դել Պիլար Ուրտադոն, ով միջազգային հետախուզման մեջ էր, Պանամայում կամավոր հանձնվել է: Նրան մեղադրում են այն բանի համար, որ հետեւել է նախկին սենատոր Պիեդադ Կորդոբային եւ Բոգոտայի քաղաքապետ Գուստավո Պետրոյին: Վերջինները Կոլումբիայի նախկին նախագահ Ալվարո Ուրիբեի ընդդիմախոսներն էին:
2010 թվականից, երբ նրա դեմ մեղադրանքներ առաջադրվեցին, Մարիա դել Պիլար Ուրտադոն թաքնվում էր Պանամայում:
Մարիա դել Պիլար Ուրտադոն երկրի հետախուզական ծառայությունը ղեկավարել է 2007-2008 թվականներին: Նրա դեմ մեղադրանք է առաջադրվել հինգ հոդվածով, այդ թվում՝ ծառայողական դիրքի չարաշահման, կաշառք վերցնելու, ապօրինաբար հեռախոսային խոսակցություններ գաղտնալսելու համար: