Արմավիրի մարզի Փարաքար գյուղի 51-ամյա բնակչուհի Անահիտ Զաքեւոսյանը, որին փետրվարի 5-ի երեկոյան սպանված էին գտել տանը, սպանվել է դաժանաբար։
Մասնավորապես, NEWS.am-ն իր աղբյուրներից տեղեկացավ, որ նրան դանակի 44 հարված են հասցրել:
Անահիտ Զաքեւոսյանի տան մոտակայքում արյան նաեւ հետքեր են եղել, որոնք արդեն ուղարկվել են փորձաքննության:
Հիշեցնենք, որ դեպքը տեղի էր ունեցել փետրվարի 5-ի երեկոյան, ժամը 21:00-ի սահմանում: Կինը տան հարեւանությամբ գտնվող իրենց խանութից գնացել էր տուն՝ ֆիլմ դիտելու, ինչից մեկ ժամ անց ամուսինը մտել էր տուն եւ կնոջը սպանված գտել:
