Եվրամիությունն անկասկած շարունակելու է աջակցել Հայաստանում բարեփոխումների անցկացմանը։ Այս մասին փետրվարի 12-ին «Եվրամիությունում Լատվիայի նախագահության առաջնայնություններն ու Հայաստանիւ հետ համագործակցության ոլորտները» թեմայով կոնֆերանսի ժամանակ հայտարարել է Հայաստանում ԵՄ պատվիրակության ղեկավար, դեսպան Տրայան Հրիստեան։
Նրա խոսքով՝ չնայած Վիլնյուսում Եվրամիության հետ ասոցացման համաձայնագիրը չվավերացնելու ու Եվրասիական տնտեսկան միությանն անդամակցելու Հայաստանի որոշմանը՝ ԵՄ-ն հավատարիմ է մնում Երեւանի նոր ընտրության հետ համատեղելի ոլորտներում երկկողմ հարաբերությունների խորացմանը։ «Մենք կշարունակենք Հայաստանի մոդեռնիզացումը եւ կաջակցենք երկրում բարեփոխումների իրականացումներին։ Մենք չեն հեռանա այստեղից։ Եվրամիությունը աջակցում է ՀՀ իշխանություններին բարեփոխումներ իրականացնելու հարցում»,- ընդգծել է Տրայան Հրիստեան։