ԽՍՀՄ տարածքում ամենից շատ մասսայականություն վայելող թիմը, անշուշտ, մոսկովյան «Սպարտակն» է: Հետաքրքիր է, բայց թիմը ստեղծման պահից չուներ իր սեփական մարզադաշտը: Խաղերն անցնում էր տարբեր մարզադաշտերում: 2014-ի սեպտեմբերին տեղի ունեցավ թիմի պատմության կարևորագույն պահերից մեկը՝ բացվեց «Սպարտակի» նորակառույց «Օտկրիտիե Արենա» մարզադաշտը: NEWS.am-ի թղթակից Վերա Մարտիրոսյանն այցելելով այն, պատրաստել է վիդեոռեպորտաժ մարզադաշտի մասին:
«Օտկրիտիո Արենա» ունի 45 000 նստատեղ, բնական խոտածածկ: Հատուկ VIP գոտիներ, որոնք վարձակալվում են մեկ տարով, իսկ արժեքը սկսվում է 150 000 ԱՄՆ դոլլարից: Կիսակառույց շինությունը մարզադաշտի թանգարանն է, որը կբացվի այս տարի: «Սպարտակը» հարուստ պատմություն և բազմաթիվ տիտղոսներ ունեցող թիմ է: Թանգարանի կարիքը նույնպես շատ էր զգացվում: Մարզադաշտը պատրաստվում է ընդունել է 2018-ի ֆուտբոլի Աշխարհի առաջնության խաղերը, համապատասխանելով ընդունված միջազգային բոլոր ստանդարտներին՝ թե´ ֆուտբոլիստների, թե´ լրագրողների, և թե´ մարզասերների համար: VIP հյուրերի համար կա նաև երեխաների սենյակ: Նման հարմարավետ պայմաններ կան միայն աշխարհի շատ քիչ մարզդաշտերում: «Օտկռիտիե Արենայի» յուրահատկություններից մեկն էլ այն է, որ խաղադաշտի կողքին` անմիջապես դարպասների հետևում, տեղադրված են «Սպարտակի» հիմնադիրՍտարոստին եղբայրների արձանները: Մարզադաշտի հենց հարևանությամբ բացվել է «Սպարտակ» մետրոյի կայարանը: Սա արվել է, որպեսզի երկրպագուները կարողանան խուսափել մոսկովյան խցանումներից և ժամանակին հասնեն սիրելի թիմի խաղին:
«Օտկռիտիե Արենան» արդեն այսօր կարելի է համարել Մոսկվայի դիտարժան վայրերից մեկը: