ԱՄն պետքարտուղարի՝ Եվրոպայի եւ Եվրասիայի հարցերով օգնական Վիկտորիա Նուլանդը փետրվարի 18-ին կժամանի Հայաստան։

Նուլանդը բանակցություններ կվարի պաշտոնատար անձանց, քաղաքացիական հասարակության եւ երիտասարդական կազմակերպությունների ներկայացուցիչների հետ։

Ինչպես հաղորդվում է Պետդեպի կայքում, այցի օրակարգում են Հայաստանի եւ ԱՄՆ միջեւ քաղաքական, տնտեսական կապերի ամրապնդումը, մարդկանց միջեւ շփումների ամրապնդումը եւ ղարաբաղյան հակամարտության արդար եւ ամուր կարգավորման առաջմղումը։

Հարավային Կովկաս այցի շրջանակներում Նուլանդը փետրվարի 16-ին կլինի Բաքվում, փետրվարի 17-ին բանակցություններ կվարի Թբիլիսիում։