ՌԴ կրթության եւ գիտության նախարար Դմիտրի Լիվանովի հրավերով ՀՀ կրթության եւ գիտության նախարար Արմեն Աշոտյանի գլխավորած պատվիրակությունն այսօր՝ փետրվարի 20-ին, աշխատանքային այցով մեկնել է Մոսկվա:
Երկօրյա այցի ընթացքում նախատեսվում են քննարկումներ գիտակրթական բնագավառում երկկողմ համագործակցության վերաբերյալ: Մասնավորապես քննարկվելու են Ռուս-հայկական (սլավոնական) համալսարանի գործունեությանը, ռուսերենի խորացված ուսուցմամբ դպրոցներին մեթոդական գրականությամբ եւ դասագրքերով ապահովելու՝ Մոսկվայի երկու եւ Սանկտ-Պետերբուրգի, Սոչիի, Ստավրոպոլի, Կրասնոդարի, Դոնի Ռոստովի մեկական դպրոցներում հայոց լեզվի դասավանդման հնարավորություններին առնչվող մի շարք հարցեր:
ՀՀ ԿԳ նախարարության պատվիրակության կազմում է նաեւ Ռուս-հայկական (սլավոնական) համալսարանի ռեկտոր Արմեն Դարբինյանը, ՀՀ ԿԳՆ աշխատակազմի արտաքին կապերի եւ սփյուռքի վարչության պետ Տիգրան Սահակյանը, ՀՀ ԿԳ նախարարի մամուլի խոսնակ Զորհապ Եգանյանը: Նախատեսված են մի շարք այլ հանդիպումներ:
