Քալիֆորնիայի համալսարանի գիտնականները եւ ավստրալացի քիմիկոսները հայտնաբերել են խաշած ձուն նորից հումի վերածելու մեթոդը։ Մասնագետները 90°С ջերմաստիճանի տակ 20 րոպե խաշել են ձուն, իսկ այնուհետեւ ձվի սպիտակուցը վերադարձրել իր նախնական վիճակին՝ ավելացնելով միզանյութ։ Այս մասին գրում է Kedem-ը։

Ինչպես հայտնի է, ձուն եփելիս սպիտակուցը բնափոխվում է եւ վերածվում երկար խճճված թելերի, ինչը խաշած ձուն այդքան ամուր է դարձնում։ Բնափոխված սպիտակուցը միզանյութով վերամշակելուց հետո գիտնականները այն տեղադրել են ցենտրիֆուգայի մեջ, որը առանձնացրել է սպիտակուցաթելերը, որոնք ի վերջո ստացել են իրենց նախնական բնական ձեւը։ Գիտնականները կարծում են, որ այդ խելահեղ տեխնոլոգիան կարող է հեղափոխել սննդի արդյունաբերությունը։