Մեկ բարել Brent տեսակի նավթը 60 դոլարից ցածր գին է գրանցել այն լուրերի ֆոնին, թե Օմանը նավթի շուկայում ավելցուկի պայմաններում պատրաստվում է մեծացնել նավթարդյունաբերության ծավալները։ Այս մասին վկայում են բորսայի հրապարակած տեղեկությունները։

Brent տեսակի նավթի ապրիլյան ֆյուչերսների գինը Լոնդոնի բորսայում նվազել է 0.40 տոկոսով՝ կազմելով մեկ բարելի դիմաց 59.78 դոլար, գրում է Gazeta-ն։

Միաժամանակ WTI տեսակի նավթի ապրիլյան ֆյուչերսների գինը Նյու Յորքի բորսայում էժանացել է 0.96 տոկոսով եւ կազմել 50.32 դոլար մեկ բարելի դիմաց։

Ավելի վաղ Օմանի նավթագազային արդյունաբերության փոխնախարար Սալիմ ալ Աուֆին հայտարարել էր, որ այս տարի նավթարդյունաբերության ծավալները կմեծանան՝ օրական կազմելով մինչեւ 980 հազար բարել, ինչը 4 տոկոսով ավելի շատ է 2013թ. հետ համեմատ։