Իշխանությունները ստիպում են Հայաստանի առաջատար քաղաքական ուժերից մեկին հրաժարվել քաղաքականությունից: Այս մասին այսօր՝ փետրվարի 23-ին հայտարարել է ՀԱԿ խմբակցության ղեկավար Լեւոն Զուրաբյանը՝ երկրում կառավարման ճգնաժամի մասին հայտարարության նախագծի ներկայացման ժամանակ:
Նրա խոսքով՝ ճգնաժամը արտահայտվում է նրանում, որ իշխանությունը չի հանդուրժոմ ոչ մի անհամաձայնություն: «Դուք տեռորի եք ենթարկում առաջատար քաղաքական ուժերից մեկին՝ հարկադրելով նրան հրաժարվել քաղաքական գործունեությունից: Այդ կուսակցության անդամներին 100-ներով տանում եք ոստիկանություն»,-հայտարարել է պատգամավորը:
Ի պատասխան ԱԺ նախագահ Գալուստ Սահակյանն ասել է. «Մի խոսեք ԲՀԿ-ի անունից: Նրանք որոշել են չմասնակցել նիստերին»:
Իր հերթին Զորւաբյանը հակադարձել է. «Իսկ ինչո՞ւ նրանք այստեղ չեն: Որովհետեւ Սերժ Սարգսյանը հայտարարե է, որ Գագիկ Ծառուկյանը չպետք է զբաղվի քաղաքականությամբ: Եվ դուք չեք ամաչում աչք փակել դրա վրա»: