Արթուր Ռոսկուին եւ Սերգեյ Անտոնյանը մեղադրվում են ավտոմեքենաներից գողություն կատարելու մեջ:
Փետրվարի 13-ի գիշերը մի քաղաքացի ահազանգել էր ոստիկանություն՝ նշելով, որ անծանոթ երկու երիտասարդ իրենց բակում կայանած մեքենաներից մեկից փորձում են գողություն կատարելը: Մինչեւ ոստիկանների ժամանելը՝ մեքենայի սեփականատերը փորձել էր բռնել գողերին, սակայն, վերջինները հասցրել էին փախչել՝ տանելով գողոնը:
Րոպեներ անց ոստիկաններին հաջողվել է բռնել գողերին եւ բերման ենթարկել ոստիկանություն՝ Նոր Խարբերդի բնակիչ, նախկին դատապարտված Արթուր Ռոսկուին եւ Երեւանի բնակիչ Սերգեյ Անտոնյան:
Նրանք խոստովանել են, որ փետրվարի 12-13-ն ընկած ժամանակահատվածում եւս մի քանի գողություն են կատարել:
Փաստի առթիվ հարուցվել է քրեական գործ Քրեական օրենսգրքի 34-177-րդ հոդվածի 2-րդ մասի հատկանիշներով: Սերգեյի նկատմամբ խափանման միջոց է ընտրվել ստորագրություն չհեռանալու մասին, իսկ Արթուրը կալանավորված է:
Մանրամասները՝ ոստիկանության պատրաստած տեսանյութում: