«Առավոտ» թերթն իր խմբագրականում գրում է. «Ընդդիմությանը չհաջողվեց (համենայնդեպս այս փուլում) իրականացնել իշխանափոխություն: Իշխանությունն օգտագործեց իր վարչական եւ ուժային լծակները՝ դա թույլ չտալու համար: Ճիշտ այդպես եւ նույնիսկ առավել «ուժային» եղանակով նախկինում վարվել են Լեւոն Տեր-Պետրոսյանի եւ Ռոբերտ Քոչարյանի իշխանությունները: Այնպես որ՝ առաջին եւ երկրորդ նախագահների կողմնակիցների բոլոր տեսակի բողոքներն անկեղծ չեն: Եթե ես ճաղատ եմ, ես չեմ կարող ուրիշներին մեղադրել ճաղատության մեջ՝ դա կողքից նույնիսկ փոքր-ինչ զվարճալի կթվա:
Բոլոր թիմերում, սակայն, կան հրաշալի, պարկեշտ, համակրելի մարդիկ, որոնք, ըստ ամենայնի, պետք է շարունակեն զբաղվել քաղաքականությամբ՝ հո չենք կարող այդ նպատակով այլմոլորակայիններին հրավիրել: Նրանք, ովքեր հեռանում են, չպիտի ստվեր գցեն մնացողների վրա եւ մարդկանց մեջ կասկածներ սերմանեն, թե ովքեր էին անկեղծ գաղափարական մարտիկները, իսկ ովքեր՝ խառնակիչ-պառակտիչները, որոնք «բոլորովին այլ» նպատակներ էին հետապնդում»:
Առավել մանրամասն՝ թերթի այսօրվա համարում
