The Daily Mail բրիտանական պարբերականը կազմել է զբոսաշրջիկների համար ամենավտանգավոր երկրների տասնյակը, որը գլխավորել է Հնդկաստանը՝ առաջ անցնելով Բրազիլիայից եւ Թուրքիայից։ Վերջիններս զբաղեցրել են համապատասխանաբար 2-րդ եւ 3-րդ հորիզոնականները։ Պարբերականը խորհուրդ է տալիս այս երկրներ այցելել պատրաստվող հատկապես կին զբոսաշրջիկներին առավելագույնս զգույշ լինել։
Հնդկաստանը այս ցուցակում զբաղեցրել է առաջին տեղը՝ հաշվի առնելով երկրում զբոսաշրջիկների եւ տեղաբնիկ կանանց բռնաբարությունների (որոնց թվում խմբակային) ռեկորդային քանակը։ Ըստ Հնդկաստանի ազգային վիճակագրական բյուրոյի տվյալների՝ երկրում ամեն 20 րոպեն մեկ տեղի է ունենում մեկ բռնաբարություն։
Բրազիլիան երկրորդ տեղն է զբաղեցրել կանանց նկատմամբ բռնությունների քանակով։ Նմանատիպ հանցագործությունների թիվը 2009-2012թթ. ընթացքում մեծացել է 157 տոկոսով։
Թուրքիան զբաղեցրել է 3-րդ տեղը. երկրում բավական հաճախ են բռնություն գործադրում կանանց նկատմամբ, իսկ այդ թեմայի բաց քննարկումը տաբու է համարվում, գրում է Lenta-ն։
Կին զբոսաշրջիկների համար ամենավտանգավոր երկրների տասնյակն ունի հետեւյալ տեսքը. Հնդկաստան, Բրազիլիա, Թուրքիա, Թաիլանդ, Եգիպտոսում, Կոլումբիա, ՀԱՀ, Մարոկկո, Մեքսիկա, Քենիա։
