Առնվազն 18 մարդ է զոհվել այսօր՝ փետրվարի 24-ին, Նիգերիայի հյուսիս-արեւելքում ավտոբուսի կանգառում որոտացած պայթյունի հետեւանքով։ Այս մասին հայտնում է BBC-ի Ռուսական ծառայությունը։ Ըստ պարբերականի տեղեկությունների՝ պայթուցիկ սարքը գործի էր դրել մահապարտ ահաբեկիչը Յոբե նահանգի Պոտիսկում քաղաքում։
Նշենք, որ փետրվարի 22-ին Պոտիսկումում հարձակում էր կազմակերպվել տեղի շուկայի վրա։ Մահապարտի գոտի հագած 7-ամյա աղջնակի ահաբեկչական գործողության հետեւանքով զոհվել էր 5 մարդ, գրեթե 20-ը՝ վիրավորվել, գրում է ՏԱՍՍ-ը։
Նախնական տվյալներով՝ երկու հանցագործությունների հետեւում էլ կանգնած է Նիգերիայի հյուսիս-արեւելքում գործող «Բոկո Հարամ» արմատական խմբավորումը։